भिडिओ

माइनस ७१ डिग्री चिसोमा पनि जीवन चलेकै छ (भिडिओसहित्)

• गाउँ सहर संवाददाता
• १९ पौष मंगलबार, २०७९ | १६:०६:०० मा प्रकाशित

काठमाडाैँ । यतिबेला विश्वका धेरै देशहरूमा निकै चिसो छ । हामी थाेरै जाडाे हुँदा जनजीवन अस्तव्यस्त भयाे भन्छाैँ । तर आज हामी एउटा यस्तो सहरको बारेमा कुरा गर्न गइरहेका छौँ, जुन अत्याधिक चिसोका कारण मात्रै विश्वभर प्रसिद्ध छ । रैपनि जीवन चलेकै छ । त्यहाँ चिसो यति धेरै छ कि तापक्रम माइनस ७१ डिग्री पुग्छ ।

हामी रुसको याकुत्स्क सहरको कुरा गर्दैछौँ । याकुत्स्कका तस्बिर र भिडियोहरू यतिबेला सामाजिक सञ्जालमा निकै भाइरल भइरहेका छन् ।

याकुत्स्कको जनसंख्या करिब ३.६० लाख छ । यो साइबेरिया, रुसको याकुटिका राज्यको राजधानी हो । अक्टोबरदेखि अप्रिलसम्मको समय यहाँका बासिन्दाका लागि कठिनाइले भरिएको हुन्छ । तर, जुलाइसम्ममा तापक्रम २४ डिग्रीसम्म पुग्छ ।

यहाँ प्रायः बिहान १०:३० बजे सूर्योदय हुन्छ तर धेरै दिनसम्म सूर्य देखिँदैन । दिउँसो ३ बजे घाम अस्ताउँछ । चिसोबाट बच्न मानिसहरुले धेरै उपाय अपनाउने गर्छन् ।