गाउँ सहर

काठमाडाैँ ४ मा गगन थापा जित नजिक, मुख्य प्रतिस्पर्धीभन्दा १९ हजार १४ मतसहित अगाडि

• गाउँ सहर संवाददाता
• ६ मङ्सिर मंगलबार, २०७९ | ०९:४४:०० मा प्रकाशित

काठमाडाैँ । काठमाडौँ क्षेत्र नम्बर ४ को मत गणना अन्तिम चरणमा पुगेको छ । यो क्षेत्रमा हालसम्म ३८ हजार ५२५ मत गणना हुँदा गठबन्धनका साझा उम्मेदवार नेपाली कांग्रेसका महामन्त्री गगन थापा १९ हजार १४ मतसहित अगाडि छन् ।

त्यस्तै थापाका प्रमुख प्रतिस्पर्धी एमालेका राजन भट्टराई १३ हजार २७ मतसहित पछ्याउँदै छन् ।  त्यस्तै राप्रपाका डा. ठाकुरमोहन श्रेष्ठले ३ हजार ११८ मत ल्याएका छन् भने स्वतन्त्रबाट लौरो चुनाव चिह्न पाएका अर्चनशम्शेर राणाले एकहजार १० मत पाएका छन् ।

बुढानिलकण्ठ नगरपालिकाका वडाहरूको मत गणना भैसकेको छ । अहिले काठमाडौं महानगरमा पर्ने वडा नम्बर ८ र ३० नम्बर वडाको मत गणना भइरहेको छ ।