गाउँ सहर

दशैँ मनाउन जाने क्रममा बस र कारमा आगलागी

• गाउँ सहर संवाददाता
• १५ असोज शनिबार, २०७९ | १६:४५:०० मा प्रकाशित

काठमाडाैं । दशैँ मनाउन काठमाडौंबाट गाउँ जाने क्रममा बस र कारमा आगलागी भएकाे छ । काठमाडौंबाट खोटाङतर्फ गइरहेको यात्रुवाहक बसमा एक्कासी आगलागी भएको हो भने काठमाडौंबाटै जन्मथलो फर्कने क्रममा सिन्धुपाल्चोक एक कार जलेर नष्ट भएको छ ।

खोटाङको हलेसी तुवाचुङ नगरपालिका–१ स्थित बाहुनीडाँडामा गुडिरहेको बसमा एक्कासी आगलागी हुँदा बस जलेर नष्ट भएकाे छ ।

बसमा आगलागी हुँदा कुनै मानवीय क्षती भने भएको छैन । घटनास्थलमा भएका यात्रुहरुका अनुसार बससहित बसमा भएका सामानहरु जलेर नष्ट भएको छ ।नेपालीहरुको चाड बडादसैँमा घर फर्कने यात्रुहरु बसमा आगलागी भएपछि अलपत्र परेका छन् । उनीहरुलाई अर्को गाडी ब्यवस्था गरेर गन्तव्यतर्फ पुर्याउनगरी प्रहरीसँग समन्वय भइरहेको घटनास्थलमा रहेका एक स्थानीयले जानकारी दिए ।

त्यसैगरि काठमाडौंबाट जन्मथलो फर्कने क्रममा सिन्धुपाल्चोकको सुनकोसी गाउँपालिका–४ का एक परिवारको कार जलेर नष्ट भएको छ

शनिबार दिउँसो पाैने २ बजे सुनकोसीको यमुनाडाँडा–४ स्थित सिमपानी भन्ने ठाउँमा उक्त गाडी जलेर नष्ट भएको हो । सिन्धुपाल्चोक जिल्ला प्रहरी कार्यालयका एसपी रामेश्वर यादवका अनुसार कुनै मानवीय क्षति भने भएको छैन् । 

कारमा ४ जना सवार रहेका थिए ।

सुनकोसी गाउँपालिका–४ निवासी राज कुमार विकको कार जलेको हो । उकालोमा जाने क्रममा कार हिट भएर जलेको प्रहरीले जनाएकाे छ । 

उकालोमा गाडीबाट धुँवा आएपछि विक ओर्लिएर हेर्दा कारबाट आलो बलेको थियो । कार जले पुरै नष्ट भएको प्रहरीले बताएको छ ।