कपनमा भएको आगलागीमा मृत्यु हुने तीनै जनाको परिचय खुल्याे
- गाउँ सहर संवाददाता
- ६ असोज बिहीबार, २०७९ | ०७:४२:०० मा प्रकाशित
काठमाडौं । काठमाडौंको कपनमा भएको आगलागीमा मृत्यु हुने तीनजनाको पहिचान खुलेको छ।
गएराति बुढानिलकण्ठ नगरपालिका-११ लसुनटारमा भएको आगलागीमा मृत्यु हुने तीनजनाको पहिचान खुलेको काठमाडौं उपत्यका प्रहरी कार्यालयले जनाएको छ ।
मृत्यु हुनेमा ताप्लेजुङका २७ वर्षीय कासाङ तेन्जी शेर्पा, संखुवासभाका ३२ वर्षीय अशोक राई र काठमाडौं महानगरपालिका–२६ रानीबारीका २५ वर्षीय छेवाङ शेर्पा रहेको काठमाडौं उपत्यका प्रहरी कार्यालयका प्रवक्ता प्रहरी उपरीक्षक सिताराम रिजालले जानकारी दिए । उनीहरुको शव त्रिवि शिक्षण अस्पतालमा राखिएको छ ।
आगलागी हुँदा १ जना घाइते भएका छन् । घाइते हुनेमा कपन बस्ने कुशल बुढाथोकी रहेको प्रहरीले जनाएको छ । उनको चुनिखेलस्थित करुणा अस्पतालमा उपचार भइरहेको छ ।
गएराति कपनको राम मन्दिर नजिक रहेको इलाइट हिमालयन एडभेन्चर रहेको तीन तले घरमा पोर्टेबल अक्सिजन सिलिण्डर र चुल्हो बाल्न प्रयोग हुने ग्यास सिलिन्डर विष्फोट भएको थियो ।
राति पौने ७ बजे लागेको आगो तीन घण्टापछि प्रहरी, स्थानीय, दमकलको सहायताबाट नियन्त्रणमा लिइएको थियो ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- इन्डोनेसियाको फुटबल खेलमा भएको भागदौडमा मृत्यु हुनेको संख्यो १७४ पुग्याे
- घुम्टे युवा परिवार जापान शाखाद्वारा खेलकुद सामग्री सहयोग
- इटहरीका पूर्वमेयर द्वारिकलाल चौधरी कार्यकर्तासहित माओवादीमा प्रवेश
- ऐतिहासिक सिन्धुलीगढीको २५५ औं विजय दिवस चित्रकथा सार्वजनिक
- चाडपर्वको शुभकामना दिँदै प्रचण्डले भने : प्रतिगमन विरोधी शक्तिलाई मत दिनुस्
- आज घर–घरमा फूलपाती भित्र्याइँदै, कतिबजे शुभ समय ?
- समानुपातिकतर्फ बन्दसूची संशोधन गर्ने आज अन्तिम दिन
- आज थाेरै प्रदेशहरूमा मेघ गर्जन/चट्याङ्ग
- पछिल्लो २४ घण्टामा देशभर ९६ जना निको, १९ जना संक्रमित
- दशैँ मनाउन जाने क्रममा बस र कारमा आगलागी
.jpeg)
-(1)..jpeg)
प्रतिकृया दिनुहोस