गाउँ सहर

हामी १०० दिनको दौडमा छैनौँ, हामीसँग ५ वर्षका लागि योजना छन्, निराश बनाउने छैनौँ - वालेन

• गाउँ सहर संवाददाता
• १९ भदौ आइतबार, २०७९ | १०:४५:०० मा प्रकाशित

काठमाडाैँ । काठमाडाैँ महानगरका मेयर वालेन्द्र शाह (वालेन) ले कार्यकालकाे सयदिन पूरा भएकाे समयमा मिश्रीत प्रतिक्रिया आइरहेकाे बेला उनले सय दिनकाे दाैडमा नभएकाे बताएका छन् ।

उनले भनेका छन्, "हामी १०० दिनको दौडमा छैनौँ, हामीसँग ५ वर्षका लागि योजना छन् । हामी अझै केहि समय गाली र आलोचनामात्रै सहन तयार छौँ तर हतार गरेर महानगरका समस्याहरुको दिगो समाधान र व्यवस्थापनको बाटोबाट अन्यत्र मोडिन तयार छैनौँ । विश्वास छ, हामीप्रति रहेको विश्वास र समर्थनलाई हामी निराश बनाउने छैनौँ ।"