गाउँ सहर

बालेनलाई रामकुमारी झाँक्रीको ढाडस्- इमान्दार प्रयासहरू सफल हुन्छन्

• गाउँ सहर संवाददाता
• १० भदौ शुक्रबार, २०७९ | १३:००:०० मा प्रकाशित

काठमाडौं । नेकपा एकीकृत समाजवादी पार्टीका नेता रामकुमारी झाँक्रीले काठमाडौं महानगरपालिकाका मेयर बालेन शाहकाे पछिल्लाे कदमप्रति समर्थन गर्दै इमान्दार प्रयासहरू सफल हुने बताएकी छन् । 

शाहकाे कामकाे समर्थन गर्दै शुक्रबार दिउँसो सामाजिक सञ्जानमार्फत ९ बुँदासहित नेता झाँक्रीले थप काम गर्न हाैस्याएकी छन् । 

उनले मेयर शाहले आफूले जस्तो दलीय दबाब व्यहोर्न नपर्ने तर्क गरेकी छिन् । झाँक्रीले अनधिकृत संरचनामा डोजर लगाउने मेयर शाहको कदमलाई समर्थन गर्दै अगाडि गर्नुपर्ने कामहरूको सूचि पनि प्रस्तुत गरेकी छिन् ।

मेरो समर्थन मेयर बालेन जीलाई

१) यसपछि अब पालो हुनेछ उपत्यकाका नदी किनारका अतिक्रमण हटाउने ।

२) मैले बागमती करीडोरका ४१ वटा अतिक्रमित संरचना हटाएईसकेको थिएँ ।

३) निर्वाचन आएको छ यसले नगरौँ भन्ने दवाव आयो र स्थगन गर्न पर्यो ।

४) स्थानीय चुनावपछि २०७९ जेठ २ गतेबाट फेरी हटाउन सुरू भएको थियो ।

५) मेरो कार्यकाल लामो रहेन । मेयर बालेनजी र मैले केही योजना बनाएका थियौं ।

६) सुरुम्वासीको नाममा अतिक्रमण भएका स्थानहरूलाई खाली गर्ने कामको पनि केही योजना बनेको छ ।

७) मलाई जस्तो दलिय दवाव मेयर बालेन जीलाई हुँदैन ।

८) I am always with you, behind you. keep it up.

९) इमान्दार प्रयासहरू सफल हुन्छन् ।