गाउँ सहर

लेखनाथमा तायाःमचा नृत्य प्रतियोगिता हुने

• गाउँ सहर संवाददाता
• ५ भदौ आइतबार, २०७९ | २१:४०:०० मा प्रकाशित

लेखनाथ । नेवारी समुदायको भाषा र संस्कृतिको रक्षा गर्ने उदेस्यले हरेक वर्ष नेवा खाल लेखनाथले गर्दै आएको तायाः मचा नृत्य प्रतियोगिताको पाचौं सस्करण यही भदौ १० गते गरिने भएको छ ।

लेखनाथमा रहेका विभिन्न आठ वटा नेवारी समुदायहरुले पालै पालो तायाःमचा नृत्य प्रतियोगिता गर्दै आएकोमा यस पटक पोखरा २६ र २७ को अर्घौ पौवा नेवाःखलले पाचौं संस्करणको प्रतियोगिता भदौं १० गते शुक्रवार गर्न लागेको आईतवार राखिएको पत्रकार सम्मेलनमा जानकारी गराईएको हो ।

पोखरा २६ को अर्घौचोकमा हुने प्रतियोगितालाई ब्यवस्थित वनाउन विभिन्न उप समिति गठन गरी तयारीलाई अगाडि बढाईएको छ भने प्रतियोगितामा करीब आठ समूहको सहभागीता रहने विश्वास आयोजकहरुले गरेका छन् ।

तायाः मचा नृत्यलाई प्रतियोगिताको रुपमा मनाउने भए पनि उक्त अवसरमा महिला पुरुषको लाखे नाच, कुमारी नाच, देवीनाच र साथमा रोपाई नृत्य पनि अप्रतियोगीका रुपमा समावेस गरिने अघौं नेवाःखलका अध्यक्ष प्रकाशलाल श्रेष्ठले जानकारी गराएका थिए ।

परम्परा देखि चल्दै आएकोे नेवारी भाषा,कला,संस्कृति,साहित्य र भेषभुषाको संरक्षण गर्दै युवा पुस्तालाई आफनो संस्कृतिका बारेमा जानकारी दिन सजिलो हुने गरि राखिएको प्रतियोगितमा प्रथम हुने समूहलाई तीस हजार,द्वितियलाई २५ हजार, तृतियलाई २० हजार र साथमा उत्कृष्ठ जोकर र परिलाई दुई ÷दुई हजार पुरस्कारको व्यवस्था गरिएको छ ।

प्रतियोगिता संचालनका लागि करीब आठ लाख खर्च लाग्ने र यसको आर्थिक व्यवस्थापन विभिन्न संघ सस्था र उद्योग व्यवसायीहरुबाट सहयोगको अपेक्ष्या गरिएको समाजका सचिव बालगोपाल श्रेष्ठले जानकारी गराएका थिए ।

कार्यक्रममा नेवाः खल लेखनाथका अध्यक्ष प्रेम लिगल, लेखनाथ मिसा पुचका अध्यक्ष मेनुका श्रेष्ठ लगायतले सबैको साथ र सहयोगले विगतका प्रतियोगिता सफल भए जस्तै यस पटकको ताया मचा नृत्य प्रतियोगिता अझ बढी परिस्कृत रुपमा थप मनोरञ्जनका साथ संचालन हुने विश्वास व्यक्त गरेका थिए ।