सप्तकोशी नदी आसपासको क्षेत्रमा हाइ अर्लट, तटीय क्षेत्रमा नजान र सावधानी अपनाउन सर्वसाधारणमा आग्रह
- गाउँ सहर संवाददाता
- २१ श्रावण शनिबार, २०७९ | २०:४३:०० मा प्रकाशित
इनरुवा । सप्तकोशी नदी आसपासको क्षेत्रमा प्रशासनले हाइ अर्लट जारी गरेको छ । नदीको जलस्तर अस्वभाविक बढ्ने आंकलन गरिएकाले तटीय क्षेत्रमा उच्च सर्तकता अपनाएको सुनसरी प्रशासनले जनाएको छ ।
पूर्वी भेगमा जारी अविरल वर्षाका कारण नदीको जलस्तरमा अस्वभाविक वृद्धि देखिएकाले तटीय क्षेत्र र आसपास उच्च सर्तकता अपनाइएको सुनसरीका प्रमुख जिल्ला अधिकारी इन्द्रदेव यादवले बताए ।
यादवले नदीमा बाढीको उच्च सम्भावना देखिएकाले सबै स्रोत, साधनका साथै सुरक्षाकर्मी तयारी अवस्थामा राखिएको जानकारी दिए । उनले नदीको अस्वभाविक वहावका कारण कोशी ब्यारेजमा पानीको सतह ५ लाख क्यूसेकको हाराहारीमा पुग्न सक्ने देखिएकाले ब्यारेजमा समेत सर्तकता बढाइएकोे बताए ।
यसैबीच कोशीको बाढीलाई मध्यनजर गर्दै सप्तरी तर्फ समेत प्रशासनले हाइ अलर्ट गरेको छ । जिल्ला प्रहरी कार्यालय सप्तरीका प्रहरी उपरीक्षक अभिनारायण काफ्लेले कोशी आसपासको क्षेत्रमा हाइ अलर्ट जारी गरिएको बताए ।
सुनसरी र सप्तरी प्रशासनले नदीमा बाढीको खतरा बढेकाले तटीय क्षेत्रमा नजान र सावधानी अपनाउन सर्वसाधारणमा आग्रह समेत गरेको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- एनपीएलको उद्घाटन खेलमा सुदूरपश्चिम ८७ रनमै अलआउट
- कात्तिक १७ र १८ गते भिटामिन ‘ए’ र जुकाको औषधि खुवाइने
- आजदेखि एनपीएलको महासंग्राम, उद्घाटनमै लुम्बिनी र सुदूरपश्चिमको भिडन्त
- एनपीएलको विजेतालाई १ करोड ५० लाख
- दसैँमा उपत्यकामा ९७ करोडको खसीबोका र च्याङ्ग्रा कारोबार
- बडादसैँको अन्तिम दिन: देवी महालक्ष्मीको पूजा आराधना गरिँदै
- आगामी पाँच दिन देशका हिमाली र पहाडी क्षेत्रमा आंशिक बदली, केही स्थानमा वर्षा र हिमपातको सम्भावना
- पश्चिमी वायुको आंशिक प्रभाव, हिमाली र पहाडी क्षेत्रमा हल्का वर्षा र हिमपातको सम्भावना
- दशैँको टीका र आशीर्वाद थाप्ने क्रम आज त्रयोदशीकाे दिन पनि जारी
- भक्तपुरमा ४६औँ नेपालभाषा साहित्य तःमुंज्या सुरु
प्राप्त प्रतिक्रिया
तपाईँको मत
.png)
प्रतिकृया दिनुहोस