जिसस कास्कीले मनायो स्थापना दिवस
- गाउँ सहर संवाददाता
- २० श्रावण शुक्रबार, २०७९ | २१:५२:०० मा प्रकाशित

कास्की । पोखरामा जिल्ला समन्वय समिति कास्कीले आफ्नो छैठौँ स्थापना दिवस शुक्रबार विशेष कार्यक्रमको आयोजना गरी मनाएको छ ।
सो अवसरमा सरसफाईसहित जेष्ठ नागरीक सम्मान र सहयोग हस्तान्तरण गरी स्थापना दिवस मनाइएको हो ।
पोखरा महानगरपालिका वडा न २७ मा अवस्थित श्रीकृष्ण प्रणामी बाल तथा वृद्धाश्रममा पच्चीस हजार बराबरको चामल, तरकारी, फलफूल लगायतका खाद्यान्न सामाग्री हस्तान्तरण गरिएको हो ।
सहयोग सामग्री हस्तान्तरण गर्दै जिल्ला समन्वय समिति कास्कीका प्रमुख लिलाधर पौडेलले जेष्ठ नागरिहरु अनुभव तथा सबै हिसाबले परिपक्क हुने हुनाले उनीहरुका ज्ञान र अनुभव पछिल्लाे पुस्तालाई उच्चतम उपयोगी हुने बताए ।
शारिरीक रुपमा अशक्त आफन्त बनि जेष्ठ नागरिकहरुको हेरचाह तथा स्याहार सुसारमा उपयुक्त नीति नै निर्माण गर्नुपर्ने र निर्माण भएका एेन कानुनको कडाइका साथ लागू गर्न राज्यका निकायहरुलाई आग्रह गरे ।
कार्यक्रममा जिसस कास्कीका उप-प्रमुख सरिता माल, जिल्ला समन्वय अधिकारी नवराज बराल, महानगरपालिका वडा न २७ का सदस्य द्वय जितेन्द्र बहादुर खत्री र सुर्यबहादुर वाग्ले, श्रीकृष्ण प्रणामी बाल तथा वृद्धाश्रमका संरक्षक कल्याण कुमार कार्की ,सोही आश्रमका अध्यक्ष दुर्गाप्रसाद गौतम, सचिव तिलकशाली अधिकारी लगायतले मन्तब्य ब्यक्त गरेका थिए । देशमा संघयिताको कार्यान्वयनसँगै २०७४ सालको स्थानीय तहमा निर्वाचित तत्कालिन जिसस पदाधिकारीहरुले सपथ लिएको दिन साउन २० लाई आधार बनाइ स्थापना दिवस मनाउने गरिएको जिसस कास्कीले जनाएको छ ।

गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- हरियाली बाटाेमा शेयरबजार, लगानीकर्तामा थपियाे उत्साह
- साउने संक्रान्ति : लुतो फ्याँक्ने चलन, किन फालिन्छ लुतो नयाँ पुस्तालाई थाहै छैन्
- बिर्सनुभयाे कि -बीपी राजमार्गमा आजदेखि राति १२ घण्टा यातायात सञ्चालन नहुने
- आर्थिक वर्षकाे अन्तिम दिन नेप्से परिसूचक २८ सय नजिक, काराेबार रकममा वृद्धि
- बैंकहरूले साउन महिनाका लागि घटाए ब्याज दर, बैंकमा पैसा थुप्रियाे
- ३४ अंकले बढेकाे नेप्से परिसूचकमा यी कम्पनीले कमाए
- यस्ता छन् सङ्घीय संसद्को दुवै सदनको बैठककाे कार्यसूची ?
- घुस काण्डमा मुछिएका मन्त्री गुप्तालाई बर्खास्त गर्न गगन थापाकाे माग
- काठमाडौं महानगरले ल्यायो २५ अर्ब ७६ करोड ४३ लाख रुपैयाँको बजेट
- आज आदिकवि भानुभक्तको २१२औं जन्मजयन्ती मनाइँदै
प्रतिकृया दिनुहोस