अर्थतन्त्र

दाेहाेराे अंकले बढ्याे नेप्से, काराेबार रकम तीन अर्ब माथि

काठमाडौं । नेपाल स्टक एक्सचेञ्ज (नेप्से) आज बुधबार दोहोरो अंकले बढेको छ ।

मंगलबार घटेको नेप्से आज  साताको चौथो कारोबार दिन २३.८३ अंक (१.१४ प्रतिशत)ले बढेर दुईहजार १११.९९ को बिन्दुमा पुगेको छ ।

आज दिनभर २२७ कम्पनीका ७५ लाख आठ हजार १८८ किक्ता सेयर किनबेच भएको छ ।

आज दिनभर तीन अर्ब १६ करोड ६१ लाख ४५ हजार १४२.९९ रुपैयाँ बराबरको कारोबार भएको छ । सेन्सेटिभ इन्डेक्स पनि ४.५३ अंकले बढेको छ ।

आज कारोबार भएका कम्पनीमध्ये १५६ वटा कम्पनीको शेयरमूल्य बढेको छ भने १८ वटा कम्पनीको शेयरमूल्य घटेको छ । यसमध्ये पाँच कम्पनीको शेयरमूल्यमा उच्च वृद्धि भएको छ । जानकी फाइनान्स कम्पनी, युनाइटेड मोदी हाइड्रोपावर, राष्ट्र उत्थान लघुवित्त वित्तीय संस्था, नेष्डो समृद्ध लघुवित्त वित्तीय संस्था र जाल्पा सामुदायिक लघुवित्त वित्तीय संस्थको शेयरमूल्यमा उच्च वृद्धि भएको छ । 

नेप्सेका अनुसार आज कुमारी धनवृद्धि योजनको शेयरमूल्यमा सबैभन्दा बढी गिरावट भएको छ । यस कम्पनीको शेयरमूल्य १० प्रतिशतले घटेको हो । त्यस्तै, कारोबारको आधारमा आज सबैभन्दा बढी शिवम् सिमेन्टको भएको छ । यसको आज १७ करोड ९४ लाख भन्दा बढीको कारोबार भएको छ ।                           

गाउँ सहर संवाददाता