गाउँ सहर

नागरिकता विधेयकविरुद्ध राप्रपा नेपालसम्बद्ध जनवर्गीय संगठनकाे राँके जुलुश

• गाउँ सहर संवाददाता
• ७ श्रावण शनिबार, २०७९ | २२:३१:०० मा प्रकाशित

काठमाडौँ । संसदबाट पास भएको नागरिकता विधेयकविरुद्ध राप्रपा नेपालसम्बद्ध सम्बद्ध जनवर्गीय संगठनहरुले राँके जुलुश प्रदर्शन गरेका छन् । शनिबार साँझ पार्टी सम्बद्ध युवक, विद्यार्थी र युवा मोर्चाका नेता कार्यकर्ताले नागरिकता विधेयकका बुँदाहरु विवादास्पद, अनुचित र राष्ट्र हित विपरीत भएको भन्दै राँके जुलुश प्रदर्शन गरेका हुन् ।

नागरिकता विधेयकले मुलुकको राष्ट्रियता, सम्प्रभुता, अखण्डता र स्वाभिमानमाथि गम्भीर आँच पु-याउने उनीहरुको दाबी छ । नागरिकता कागजको खोस्टो मात्र नभएर देशको स्वाभिमान, स्वतन्त्रता र अस्तित्वसँग गाँसिएको विषय भएको बताए ।

उनीहरुले सत्ता र स्वार्थ पूर्तिको लागि राष्ट्रघाती निर्णय गर्नेहरूलाई जनताले दण्ड दिनुपर्ने बताएका छन् । साथै विवाह गरेर आएकालाई समय सीमा नतोकी धमाधम नागरिकता बाँड्न नहुने माग गरेका छन् ।