अर्थतन्त्र

एक उद्योगीले ६ सय करोडको सम्पत्ति दान दिए

काठमाडाैँ । भारत मुरादाबादका उद्योगपति डा. अरविन्द कुमार गोयलले आफ्नो सम्पूर्ण सम्पत्ति गरिबहरूका लागि दान गरेका छन् । दान गरिएको सम्पत्तिको मूल्य लगभग ६०० करोड भारतीय रुपैयाँ छ । गोयलले आफूसँग घर मात्र राखेका छन् । उनले ५० वर्षको मिहिनेतमा यो सम्पत्ति जाेडेका हुन् ।

व्यवसायी हुनुका साथै सामाजिक सेवामा समेत संलग्न रहेका डा. गोयलको सहयोगमा विगत २० वर्षदेखि देशभर सयौं वृद्धाश्रम, अनाथ आश्रम र निःशुल्क स्वास्थ्य केन्द्रहरू सञ्चालन भइरहेका छन् । यससँगै उनीहरुकै सहयोगमा सञ्चालित विद्यालयमा गरिब बालबालिकालाई निःशुल्क शिक्षा दिइँदै आएको छ । कोभिड लकडाउनमा पनि उनले करिब ५० गाउँका जनतालाई निःशुल्क खाना र औषधि उपलब्ध गराएका थिए ।

गाउँ सहर संवाददाता