राजनीति

संघीय परिषद् अध्यक्ष डा. बाबुराम भट्टराईलगायत कार्यकारिणी समितिका ९ जना नेतालाई पदमुक्त

वीरगञ्ज । जनता समाजवादी पार्टी (जसपा) को वीरगञ्जमा बसेको बैठकले संघीय परिषद् अध्यक्ष डा. बाबुराम भट्टराईलगायत कार्यकारिणी समितिका ९ जना नेतालाई पदमुक्त गरेको छ ।

उपेन्द्र यादवको अध्यक्षतामा जसपाको बैठक बुधबार र बिहीबार वीरगञ्जमा बसेको बैठकले उक्त नेतालाई पदमुक्त गरेकाे हो ।

बैठकले संघीय परिषद् अध्यक्षमा अशोक राईलाई चयन गरेको केन्द्रीय सदस्य मधु सिंहले जानकारी दिइन् ।

डा. भट्टराईसँगै  गंगानारायण श्रेष्ठ, प्रशान्त सिंह, महेन्द्र राय यादव, हिसिला यमी, भक्तबहादुर शाह, दानबहादुर चौधरी, रमेश यादव, दुर्गा सोँबलाई कार्यकारिणी भूमिकाबाट पदमुक्त गरिएको छ ।

बैठकमा अध्यक्ष यादवले राखेको प्रस्ताव केन्द्रीय सदस्यहरुले एक मतले पारित गरेका छन् ।

पार्टी विरोधी गतिविधिमा लागेको भन्दै भट्टराई र उनको पक्षमा लागेका ९ जना केन्द्रीय कार्यकारिणी सदस्यहरुलाई कारबाही गरी पार्टीको जिम्मेवारीबाट मुक्त गर्ने निर्णय गरिएको केन्द्रीय सदस्य सिंहले जानकारी दिइन् ।

गाउँ सहर संवाददाता