गाउँ सहर

जापानी पूर्वप्रधानमन्त्रीको निधनमा राष्ट्रिय शोक मनाउने सरकारको निर्णय

• गाउँ सहर संवाददाता
• २४ असार शुक्रबार, २०७९ | १९:५६:०० मा प्रकाशित

काठमाडौं । सरकारले जापानका पूर्वप्रधानमन्त्री शिन्जो आवेको निधनमा राष्ट्रिय शोक मनाउने भएको छ ।

गोली प्रहारबाट शुक्रवार निधन भएका जापानी पूर्वप्रधानमन्त्री आवेको निधनमा शनिवार राष्ट्रिय शोक मनाउने निर्णय शुक्रवारको मन्त्रिपरिषद् बैठकले गरेको हो ।

सरकारले घटना निन्दनीय भएको भन्दै भर्त्सना पनि गरेको छ । नेपालका तर्फबाट उनको निधनप्रति दुःख व्यक्त गर्दै जापान सरकार, जापानी जनता र आवेको परिवारप्रति समवेदना समेत व्यक्त गरेको छ ।

शुक्रबार चुनावी सभालाई सम्बोधन गरिहेका बेला आवेमाथि गोली प्रहार भएको थियो । गोली लागेर ढलेका उनलाई हृदयघात समेत भइ मृत्यु भएकाे थियाे ।