गाउँ सहर

अर्थमन्त्रालय सम्हालेका प्रधानमन्त्री देउवालाई शेयरबजारले देखायाे राताे झण्डा

काठमाडाैं । अर्थमन्त्रालय सम्हालेका प्रधानमन्त्री शेरबहादुर देउवालाई शेयरबजारले राताे झण्डा देखाएकाे छ । बुधबार अर्थमन्त्री जनार्दन शर्माले राजीनामा दिएपछि प्रधानमन्त्री देउवाले नै अर्थमन्त्रालयकाे जिम्मेवारी लिएका छन् ।

बजेट बनाउँदा एकजना पूर्व नायब सुब्बालाई करका दरहरू हेरफेर गर्न लगाएको शर्मालाई आरोप छ । त्यस्तै, बजेट आउनु अघिल्लो दिनको अर्थ मन्त्रालय सिसिटिभी फुटेज डिलिट भएको अर्थमन्त्रालयले भनेपछि शर्माविरुद्ध व्यापक विरोध भएकाे थियाे । करका दरहरू हेरफेर गर्न लगाएको विषयमा छानबिन गर्न बुधबार संसदीय विशेष समिति समेत गठन गरिएको छ ।  

शर्माले अर्थमन्त्रीबाट राजीनामा गरेपछि बजार बढ्ने केही लगानीकर्ताकाे विश्लेषण थियाे भने केही 'च्याँखे लगानीकर्ता' हरू किनबेचकाे दाउमा थिए । त्यसैले बिहीबारकाे बजारमा उतार चढाव नै देखियाे । 

आज नेप्से १६.६० अंकले घटेर २०२७.३२ विन्दुमा पुगेर बन्द भएको छ । 

यसदिन शेयर बजार घटेसँगै कारोबार रकम भने घटेको छ । आज नेप्सेमा १ अर्ब ८० करोड ६२ लाख रुपैयाँ बराबरको कारोबार भएको छ । बुधबार नेप्सेमा २ अर्ब १७ करोड ८६ लाख रुपैयाँ बराबरको  भएको थियो ।         

आज कारोबार भएका २९ कम्पनीको शेयरमूल्य बढेको छ भने १५७ कम्पनीको शेयरमूल्य घटेको छ ।

आरविवि म्युचुअल फण्ड १ को ३.९३ प्रतिशतले बढेर प्रतिकित्ता ८.४६ रुपैयाँ पुगेको छ भने माउन्टेड हाइड्रो शेयरमुल्य ३.२४ प्रतिशतले बढेर प्रतिकित्ता २८७ रुपैयाँ पुगेको छ ।  

त्यसैगरि समिट लघुवित्त वित्तीय संस्था र लिबर्टी इनर्जी कम्पनीका लगानीकर्ताहरुले सर्वाधिक गुमाएका छन् ।

कारोबारको आधारमा आज सबैभन्दा बढी लाइफ इन्स्योरेन्स कर्पोरेशनको भएको छ । यसको आज ७ करोड ६५ लाख भन्दा बढीको कारोबार भएको छ ।                          

गाउँ सहर संवाददाता

तपाईँको मत