स्वास्थ्य

देशभर कति छन् काेराेना संक्रमित संख्या ?

• गाउँ सहर संवाददाता
• १३ असार सोमबार, २०७९ | १७:५३:०० मा प्रकाशित

काठमाडौं । पछिल्लो २४ घण्टामा देशभर ४१ जना कोभिड १९ संक्रमित थपिएका छन् । तीन हजार ३५८ वटा नमुना परीक्षण गर्दा ४२ जनामा संक्रमण पुष्टि भएको हो ।

आज २० जना संक्रमणमुक्त भएका छन् । योसँगै देशभर सक्रिय संक्रमितको संख्या २०८ पुगेको छ ।

एक लाख २७ हजार ७९२ जनाले कोभिड १९ विरुद्धको खोप लगाएको स्वास्थ्य तथा जनसंख्या मन्त्रालयले जनाएको छ । 

पछिल्लो २४ घण्टामा काठमाडौं उपत्यकामा २४ जना कोभिड १९ संक्रमित थपिएका छन् ।

काठमाडौंमा १८, भक्तपुरमा १ र ललितपुरमा ५ जना संक्रमित देखिएका हुन् । योसँगै काठमाडौं उपत्यकामा सक्रिय संक्रमितको संख्या ११९ पुगेको छ ।

उपत्यका बाहिर पर्सा, रौतहट, सिराहा, चितवन, स्याङजा, नवलपरासी पश्चिम, बाँके र कैलालीमा पनि संक्रमित थपिएका छन् ।