अर्थतन्त्र

शेयरबजार ओरालोको ओरालै

 

काठमाडाैं । दुई सातादेखि ओरालो लागेकाे नेपाल स्टक एक्सचेञ्ज (नेप्से) आज बुधबार पनि गिरावट भयाे । 

यसदिन नेप्से परिसूचक २९.८९ अंक घटेर १९६६.३७ विन्दुमा झरेको छ ।

कारोबार समयदेखि घट्न थालेको नेप्से परिसूचक डेढ घण्टाको समयमै ५० अंकले ओरालो लागेको थियो । तर, पछि केही सुधारिँदै अन्तिम समयसम्ममा २९ अंक घटेर बन्द भएको हो ।

आज १ अर्ब ४९ करोड १७ लाख रुपैयाँ बराबरको ४१ लाख ८२ हजार कित्ता सेयर किनबेच भएको छ । 

 

यस दिन आँधीखोला लघुवित्त र सीवाईसी लघुवित्तको शेयर सकारात्मक सर्किट लेभलमा कारोबार भएको हो । बलेफी हाइड्रोपावर र लाइफ इन्स्योरेन्स कर्पोरेशन नेपाल, माउन्टेन हाइड्रो, शिखर इन्स्योरेन्स र सिंगटी हाइड्रोको शेयरमूल्य घटेकाे छ । 

आज नेपाल टेलिकमको सेयर सबैभन्दा धेरै कारोबार भएको छ । आज कम्पनीको १२ करोड ५७ लाख रुपैयाँ बराबरको सेयर किनबेच भएको हो ।

गाउँ सहर संवाददाता

तपाईँको मत