अर्थतन्त्र

लगातार घट्दो क्रममा रहेकाे शेयर बजारमा लागेन ‘ब्रेक’

काठमाडाैं । पछिल्लो केहि समयदेखि लगातार घट्दो क्रममा रहेकाे शेयर बजारमा साताको पहिलो कारोबार दिन सोमबार पनि सुधार देखिएन । 

सरकारी नीति तथा कार्यक्रम र बजेटबाट सन्तुष्ट हुन नसकेका लगानीकर्ताहरुको आम्दोलन कार्यक्रमले पनि आम लगानीकर्ताको मनोबल भने उकास्न सकेको छैन ।

शेयर बजारमा गिरावट कायमै देखिँदा सोमबार पनि नेप्से सूचक १२.९२ अंकले घटेर २०६५.७८ विन्दुमा झरेको छ ।

सोमबार १ अर्ब २७ करोड ३३ लाख ८५ हजार २७७ रुपैयाँको कारोबार भएको छ । २२८ कम्पनीका ४४ लाख ९ हजार ६९१ कित्ता सेयर २५ हजार ९०८ संख्यामा खरीद बिक्री भएका हुन् ।

उपकार लघुवित्त र बलेफी हाइड्रोपावरको शेयरमूल्य उच्च दरमा बढेको छ भने नारायणी विकास बैंकको पनि ६.४७ प्रतिशतले बढेको छ।

 

यस दिन हिमालयन बैंकको शेयरमूल्य सबैभन्दा धेरै ९.९९ प्रतिशतले घटेको छ भने महुली लघुवित्तको ७.६६ प्रतिशत, नेपाल लाइफको ३.९२ प्रतिशत र मनकामना लघुवित्तको ३.९२ प्रतिशतले घटेको छ ।

सबैभन्दा धेरै ८ करोड २४ लाख रुपैयाँको शेयर कारोबार भएको छ भने एनआइसी एशिया बैंकको ६ करोड ७९ लाख, नेपाल लाइफको ४ करोड ६१ लाख र अरुण भ्याली हाइड्रोपावरको ३ करोड ९० लाख रुपैयाँ बराबरको शेयर कारोबार भएको छ।

 

गाउँ सहर संवाददाता

तपाईँको मत