गाउँ सहर

पोखराको मेयरमा धनराज आचार्य निर्वाचित, उपप्रमुखमा मञ्जुदेवी गुरुङ

पोखरा । देशकै ठूलो महानगर पोखराको मेयरमा नेकपा (एकीकृत समाजवादी) का धनराज आचार्य निर्वाचित भएका छन् ।

एमालेका कृष्णबहादुर थापालाई ६ हजार ४५ मतान्तरले हराउँदै सत्तारुढ पाँच दलीय गठबन्धनको समर्थनमा उनी निर्वाचित भएका हुन् । आचार्यले ५८ हजार ८ सय ९३ मत प्राप्त गर्दा थापाले ५२ हजार ८ सय ४८ मत पाए ।

यस्तै उपमेयरमा एमालेकी मञ्जुदेवी गुरुङले ६० हजार ५ सय ४६ मत ल्याएर विजयी भएकी छन् । कांग्रेसकी कोपिला रानाभाटले ५६ हजार ६ सय ६३ मत ल्याउँदा ३ हजार ८ सय ८३ मतको अन्तर भएकाे थियाे ।

गाउँ सहर संवाददाता