गाउँ सहर

केहि ठाउँमा झडप र हवाई फायर, स्थानीय निर्वाचन २०७९ (फाेटाे कथा)

काठमाडाैँ । स्थानीय तहको निर्वाचन  बिहान ७ बजेदेखि सुरु भएकाे छ । अपराह्न ५ बजेसम्म मतदान गर्न सकिने निर्वाचन आयोगले जनाएको छ । मतदाताहरू बिहानैदेखि लाइनमा बसेका छन् ।

आज हुने निर्वाचनमा कूल १ करोड ७७ लाख ३३ हजार ७२३ जना मतदाता रहेको आयोगले जनाएको छ । निर्वाचन आयोगमा सूचीकृत मतदाताले मतदाता परिचय पत्र नभए अन्य सरकारी कागजातले पनि मतदान गर्न सकिने व्यवस्था गरिएको छ ।

निर्वाचनमा पुरुष मतदाता ८९ लाख ९२ हजार १० जना र महिला मतदाता ८७ लाख ४१ हजार ५३० जना रहेका छन् ।

दोलखाको वैत्येश्वर गाउँपालिका-३ स्थित कालीढुंगा मावि मतदान केन्द्रमा कांग्रेस र माओवादी कार्यकर्ताबीच झडप भएको छ । प्रहरीले १ राउन्ड हवाई फायर गरेको छ । अहिले नेपाली सेनाले अवस्था नियन्त्रणमा लिएर पुनः मतदान सुरु गर्ने तयारी थालिएको छ । वैत्येश्वर गाउँपालिकाका वडा नम्बर १ र २ मा पनि अवस्था तनावपूर्ण छ । यस्तै बाजुराको बुढीगङगा नगरपालिका-५ स्थित भानोदय मावि मतदान केन्द्रमा झडप भएर मतदान तत्काललाई स्थगित गरिएकाे छ ।

देशभरका तस्बिरहरूः

गाउँ सहर संवाददाता

तपाईँको मत