कला

कवि तारा अधिकारीको काव्यकृति ‘म भित्रको म’ लोकार्पण

काठमाडौँ । अन्तर्राष्ट्रिय नेपाली साहित्य समाजद्वारा प्रकाशित तथा अन्तर्राष्ट्रिय नेपाली साहित्य समाज नेपाल च्याप्टरद्वारा आयोजित कवि तारा अधिकारीको काव्यकृति म भित्रको म नेपाल प्रज्ञा प्रतिष्ठानका नि. वर्तमान उपकुलपति वरिष्ठ कवि डा. बिष्णु बिभु घिमिरेको प्रमुख आतिथ्यमा कृति लोकार्पण गरियो ।

डा. शान्तिमाया गिरीको स्वागत मन्तव्यबाट प्रारम्भ भएको औपचारिक कार्यक्रममा अमेरिककाको कोलोराडो शहरमा बसेर साहित्य सेवामा समर्पित अधिकारीको कविता सङ्ग्रह भित्र ४९ कविता समावेश छन् ।

कविता कृतिमाथि डा. रेणुका सोलु र ऋषभदेव घिमिरेले समिक्षात्मक धारणा राखेका थिए । कृति भित्र भूमिका समेत लेखेका प्राडा खगेन्द्र लुइँटेलले कृतिको संक्षिप्त टिप्पणी सहित शुभकामना राख्दै स्रष्टा अधिकारीलाई बधाई व्यक्त गरे । सोही अवसरमा अनेसासका केन्द्रीय अध्यक्ष प्रकाश पौडेलको शुभकामना तथा बोर्ड अफ ट्रष्टिका उपाध्यक्ष पदम बिश्वकर्माका शुभकामना पढेर सुनाइएका थिए ।

सन्ध्या पहाडीको अध्यक्षतामा सम्पन्न कार्यक्रममा कवि ई. सन्तोष पोखरेख र कवि रुद्र अधिकारीले मभित्रको म कविता सङ्ग्रहाबाट रचना वाचन गरेका थिए । महेश पौडेलको सम्पादन रहेको कृतिको आवरण तथा वर्णविन्यास रमेश दाहालले गरेका थिए ।

लोकार्पण कार्यक्रमको संचालन कवि रञ्जना निरौला गरेकी थिइन्। समारोहमा साहित्यकार युवराज नयाँघरे, साहित्यकारहरु राधेश्याम लेकाली,गोविन्द गिरी प्रेरणा,नारायण होमगाईं कलकत्ता , उपमा आचार्य , दिपा राई, मधु पाठक, सुषमा आचार्य, आँचल शर्मा, गीता कार्की, दीक्षा भण्डारी, भवानी भट्ट, प्रगती राई, सुमन वर्षा, भूवन सिवाकोटीलगायतका साहित्य सर्जकहरुको बाक्लो उपस्थिति थियाे ।

प्रमुख अतिथि घिमिरेले वर्तमान समयले नयाँ कृति र नवीन विषयका कविताले नेपाली काव्य भण्डार चुलिएको छ भन्ने धारणा राखेको थिए ।

गाउँ सहर संवाददाता