प्रधानमन्त्री देउवाकाे आग्रह : बागी उम्मेदवारी फिर्ता लिनुस् (बक्तब्यसहित)
- गाउँ सहर संवाददाता
- १५ बैशाख बिहीबार, २०७९ | ११:३३:०० मा प्रकाशित
काठमाडाै । नेपाली कांग्रेसका सभापति तथा प्रधानमन्त्री शेरबहादुर देउवाले सत्ता गठबन्धन भन्दा बाहिर रहेर पार्टीका नेताहरुले दिएको स्वतन्त्र उम्मेदवारी फिर्ता लिन आग्रह गरेका छन् । उम्मेदवारी फिर्ताको समय एक दिन मात्रै बाँकी रहँदा प्रधानमन्त्री देउवाले आफ्नै पार्टी कांग्रेसका नेता कार्यकर्तालाई त्यस्तो आग्रह गरेका हुन् ।उनले विहिवार बक्तब्य नै जारी गरेर त्यस्तो आग्रह गरेका छन् ।
देउवाले नयाँ संविधानको रक्षा तथा लोकतन्त्रका आधारभूत मूल्य मान्यताको संरक्षण गर्न तथा लोकतन्त्र विरोधी र संविधानलाई कमजोर बनाउन सक्रिय प्रवृत्तिलाई परास्त गर्न कांग्रेससहित पाँच दलले गठबन्धन निर्माण भएको पनि वक्तब्यमार्फत जनाइएकाे छ ।
एउटा उम्मेदवार बन्दा अर्को उत्तिकै योग्य साथीले अवसर नपाएको स्थितिप्रति आफू जानकार रहेको भन्दै प्रधानमन्त्री देउवाले त्याग, एकता र समर्पण भावका साथ अगाडी बढन् नेता कार्यकर्तालाई अपिल पनि गरेका छन् ।
प्रधानमन्त्रीले भने, ‘पार्टीको विजयका लागि “साथीको उम्मेदवारी नै मेरो उम्मेदवारी” भन्ने उच्चतम भावना राख्न र कांग्रेसको एकल उम्मेदवारी भएको तह होस् या सत्ता गठवन्धनका दलहरूसंग तालमेल भएको तह, त्यहाँको विजय अभियानलाई त्याग, एकता र समर्पणका साथ सफल बनाउन म अपिल गर्दछु ।’
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
- ‘नेता कुटपिटमा हाम्राे कुनै संलग्नता छैन, झुठो आरोप लगाइयो’
- प्रतिनिधिसभा बैठक प्रत्यक्ष प्रसारण
- माओवादी उपाध्यक्ष कृष्णबहादुर महरा पक्राउ
प्रतिकृया दिनुहोस