स्वास्थ्य

नेपालमा थप १० जनामा कोरोना संक्रमण देखिएसँगै सक्रिय संक्रमितको संख्या २६१ पुग्याे, निको हुनेदर ९८.८ प्रतिशत

• गाउँ सहर संवाददाता
• १३ बैशाख मंगलबार, २०७९ | १५:५४:०० मा प्रकाशित

काठमाडाैं । नेपालमा पछिल्लो २४ घण्टामा थप १० जना नयाँ संक्रमित थपिएका छन् । विगत २४ घण्टामा आरटी पीसीआर परिक्षण गर्दा ८ जना र एन्टिजन परिक्षण गर्दा २ जना गरि जम्मा १० जना नयाँ संक्रमित थपिएकाे स्वास्थ्य तथा जनसंख्या मन्त्रालयले जानकारी दिएकाे छ । 

पछिल्लो २४ घण्टामा कोरोना संक्रमितको संख्या भन्दा निको हुनेको संख्या धेरै रहेको छ । यस अवधिमा १८ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९८.८ प्रतिशत रहेको छ । पछिल्लो २४ घण्टामा मृतकको संख्या शुन्य रहेको मन्त्रालयले जनाएकाे छ ।      

मन्त्रालयका अनुसार पछिल्लो २४ घण्टामा ५ हजार २२६ जनाले कोरोना परिक्षण गरेका थिए भने ८६ हजार १३६ जनाले खोप लगाएका थिए । हाल सक्रिय संक्रमितको संख्या २६१ जना रहेका छन् ।