राजनीति

वीरगन्जमा एमाले र लोसपाबीच गठबन्धन गर्ने सहमति (विज्ञप्तिसहित)

• गाउँ सहर संवाददाता
• ८ बैशाख बिहीबार, २०७९ | ११:०३:०० मा प्रकाशित

काठमाडाैं । वीरगंज महानगरपालिकामा नेकपा (एमाले) र लोकतान्त्रिक समाजवादी पार्टी (लोसपा) बीच गठबन्धनको सहमति जुटेको छ ।

दुवै पार्टीले त्यहाँ गठबन्धन गरेर अघि बढ्ने सहमति जुटाएका हुन् । नेकपा एमालेका केन्द्रीय सदस्य अरबिन्द सिंहका अनुसार वीरगञ्ज महानगरको प्रमुखमा नेकपा एमाले र उपप्रमुखमा लोसपाले संयुक्त रुपमा उम्मेदवार उठाउने भएका हुन् ।

३० वैशाखमा हुने चुनावमा वीरगन्जको मेयरमा एमालेका विजयकुमार सरावगी उम्मेदवार बन्ने भएका छन् भने उपमेयरमा लोसपाका पुरूषोत्तमलाल झा उम्मेदवार हुनेछन् । सरावगी वर्तमान मेयर हुन् । उनी हालै मात्र एमालेमा प्रवेश गरेका थिए ।

एमाले केन्द्रीय सदस्य अरबिन्द सिंहले यसको पुष्टि गरे । वडा अध्यक्ष र सदस्यको हकमा टुंग्याउ बाँकी छ ।

सत्ता गठबन्धनबाट वीरगन्ज मेयरमा जनता समाजवादी र उपमेयरमा कांग्रेसको उम्मेदवारी रहने सहमति भइसकेको छ ।