अर्थतन्त्र

राताम्मे बन्याे शेयर बजार, काराेबार रकम सामान्य घट्याे

काठमाडाैं । नेप्से साताको कारोबारको अन्तिम दिन बिहिबार दोहोरो अंकले घटेको छ । आज नेप्से २३.९५ अंकले घटेर दुई हजार ५ सय ४४ दशमलब ३० विन्दुमा रोकिएको नेप्सेले जनाएकाे छ । बुधबार नेप्से ४०.६८ अंकले बढेर दुई हजार ५ सय ६८ दशमलब २५ विन्दुमा पुगेको थियो ।  

नेप्सेका अनुसार आज कारोबार रकममा पनि सामान्य घटेको छ । आज १ अर्ब ८९ करोड रुपैयाँ बराबरको कारोबार भएको छ । बुधबार २ अर्ब २५ करोड एक लाख रुपैयाँ बराबरको कारोबार भएको थियो ।    

आज तीन कम्पनीको शेयरमूल्यमा उच्च वृद्धि भएको छ । इमर्जिङ नेपालको शेयरमूल्य १० प्रतिशतले बढेर प्रतिकित्ता १२२४.८० रुपैयाँ पुगेको छ भने राष्ट्र उत्थानको शेयरमूल्य ९.९९ प्रतिशतले बढेर प्रतिकित्ता १३१९.५० रुपैयाँ पुगेको छ । त्यस्तै, नेष्डो समृद्धी लघुवित्त वित्तीय संस्थाको शेयरमूल्य ९.९९ प्रतिशतले बढेर प्रतिकित्ता १०५५.७० रुपैयाँ पुगेको नेप्सेले जानकारी दिएकाे छ । 

आज ६ कम्पनीका लगानीकर्ताहरुले सर्वाधिक गुमाएका छन् । यसको शेयरमूल्य आज करिब ४ प्रतिशतले घटेको छ । त्यस्तै, कारोबारको आधारमा आज सबैभन्दा बढी इमजिङ नेपालको भएको छ । यस कम्पनीको आज ९ करोड २३ लाख भन्दा बढीको कारोबार भएको छ ।                   
 

गाउँ सहर संवाददाता