गाउँ सहर

२५ जना डीएसपीकाे सरूवा, काे कहाँ ? (सूचीसहित)

काठमाडाैं । प्रहरी नायब उपरीक्षक (डीएसपी) हरूको सरूवा भएको छ । मंगलबार साँझ २५ प्रहरी नायब उपरीक्षक (डीएसपी) को सरूवा भएको हाे ।

प्रहरी प्रधान कार्यालयले  हिजाे साँझ २५ जना डीएसपीलाई काज सरूवा गरेको जनाएकाे छ । 

प्रहरी प्रधान कार्यालयका अनुसार बागमती प्रदेश प्रहरी कार्यालय हेटौंडामा कार्यरत डीएसपी अंगुर जिसीलाई जिल्ला प्रहरी परिसर ललितपुरमा खटाइएको छ । 

जिल्ला प्रहरी कार्यालय सोलुखुम्बुमा कार्यरत डीएसपी कबित कटवाललाई अख्तियार दुरुपयोग अनुसन्धान आयोगको कार्यालय टंगालमा खटाइएको छ । अख्तियारमा कार्यरत सन्तोष निरौलालाई जिल्ला प्रहरी कार्यालय जाजरकोट सरूवा गरेको छ ।

त्यसैगरी,प्रहरी प्रधान कार्यालय अपराध अनुसन्धान विभागमा जिल्ला प्रहरी कार्यालय पूर्वी रुकुममा कार्यरत डीएसपी गणेश बहादुर श्रेष्ठलाई काजमा खटाएको छ । केन्द्रीय अनुसन्धान विभागमा कार्यरत कृष्णराज ओझालाई जिल्ला प्रहरी कार्यालय हुम्ला खटाएको छ ।

महानगरीय प्रहरी कार्यालय रानीपोखरीमा कार्यरत विष्णु प्रसाद सोतीलाई जिल्ला प्रहरी कार्यालय पश्चिम रूकुम पठाएको छ । 

गाउँ सहर संवाददाता