अर्थतन्त्र

शेयर बजारमा दाेहाेराे अंककाे वृद्धि, २ अर्ब ५१ करोडमाथिको कारोबार

• गाउँ सहर संवाददाता
• ८ चैत मंगलबार, २०७८ | १५:१५:०० मा प्रकाशित

काठमाडाैं । शेयर बजारमा साताको कारोबारको तेस्रो दिन मंगलबार दोहोरो अंकको वृद्धि भएको छ । आज नेप्से १६.०४ अंकले बढेर दुई हजार ६ सय ५० दशमलब ७० विन्दुमा थामिएकाे नेप्सेले जनाएकाे छ । हिजाे १७.९९ अंकले बढेर दुई हजार ६ सय ३४ दशमलब ५७ विन्दुमा पुगेर बन्द भएको थियो ।

आज कारोबार रकममा सामान्य गिरावट आएको छ । आज २ अर्ब ५२ करोड ८८ लाख बराबरको कारोबार भएको छ । सोमबार २ अर्ब ५९ करोड २७ लाख बराबरको कारोबार भएको थियाे ।  

मंगलबार कारोबार भएका १०६ वटा कम्पनीका लागानीकर्ताहरुले कमाएका छन् भने ७७ कम्पनीका लगानीकर्ताहरुले भने गुमाएका छन् । यसमध्ये आज एक कम्पनीको शेयरमूल्यमा सकारात्मक सर्किट लागेको । जुन इमर्जिङ नेपाल लिमिटेड रहेको छ । इमर्जिङ नेपालको शेयरमूल्य आज ९.९९ प्रतिशतले बढेर प्रतिकित्ता ६२८.८० रुपैयाँ पुगेको छ ।कारोबारको आधारमा आज सबैभन्दा बढी प्रभु इन्स्योरेन्स कम्पनी लिमिटेड प्रमोटरको भएको छ । यस कम्पनीको आज १५ करोड ३३ लाख भन्दा बढीको कारोबार भएको नेप्सेले बताएकाे छ ।