गाउँ सहर

जिपको ठक्करबाट एकजना पैदलयात्रीको मृत्यु, एक गम्भीर

• गाउँ सहर संवाददाता
• ८ चैत मंगलबार, २०७८ | ११:२७:०० मा प्रकाशित

काठमाडाैं । जिपको ठक्करबाट पैदलयात्रीको मृत्यु भएकाे छ । सर्लाहीको गोडैता नगरपालिका–१० मा सोमबार राति जिपको ठक्करबाट एक जना पैदलयात्री मृत्यु भएको हाे ।

ठक्करबाट एक जना पैदलयात्री गम्भीर घाइते भएका छन् । मृत्यु हुनेमा भारत घर भई हाल सर्लाहीको गोडैतास्थित माइतीमा बस्दै आएकी ४० वर्षिया रंजिता देबी मंण्डल रहेकी छिन् । उनको अस्पताल लैजाँदै गर्दा बाटोमानै मृत्यु भएको प्रहरीले जानकारी दिएकाे छ । 

सोही दुर्घटनामा ६५ वर्षीया जयकलिया देवी मण्डल गम्भीर घाइते भएकी छिन् । उनको मलंगवा स्थित प्रादेशिक अस्पतालमा उपचार भईरहेको छ । गएराति साढे ९ बजे भारतीय नम्बरको जिपले पैदलयात्रीद्धयलाई एकैसाथ ठक्कर दिएको हो ।

जिप सहित चालकलाई नियन्त्रणमा लिएको प्रहरीले जनाएकाे छ ।