अर्थतन्त्र

सुन ताेलामा १ लाख नाघ्याे, चाँदीकाे मूल्य पनि बढ्याे

• गाउँ सहर संवाददाता
• ८ चैत मंगलबार, २०७८ | ११:११:०० मा प्रकाशित

काठमाडाैं । मंगलबार नेपाली बजारमा सुनको मूल्य  बढेको छ । साेमबार सुनको मूल्य प्रतितोला ९९ हजार ५ सयमा कारोबार भएकोमा आज तोलामा ८ सयले बढेको नेपाल सुनचाँदी व्यवसायी महासंघले जानकारी दिएकाे छ । हिजाे सुनको मूल्य तोलामा तीन सयले बढेको थियो । 

महासंघका अनुसार आज छापावाल सुनको मूल्य तोलामा एक लाख तीन सय रुपैयाँ पुगेको छ भने तेजावी सुनको मूल्य प्रतितोला ९९ हजार ८ सय रुपैयाँ पुगेको छ । 

आज चाँदीको मूल्य पनि बढेको छ । हिजो चाँदीको मूल्य प्रतितोला १३७५ रुपैयाँमा कारोबार भएकोमा आज बढेर प्रतितोला १३९५ रुपैयाँ मूल्य कायम गरिएको महासंघले बताएको छ ।