अर्थतन्त्र

मंगलबार दाेहाेराे अंकले घट्याे शेयर बजार, काराेबार रकममा पनि गिरावट

• गाउँ सहर संवाददाता
• १ चैत मंगलबार, २०७८ | १५:१५:०० मा प्रकाशित

 काठमाडाैं । शेयर बजारमा साताको कारोबारकाे तेस्रो दिन मंगलबार दोहोरो अंकको गिरावट आएको छ । आज नेप्से १७.१५ अंकले घटेर दुई हजार ६ सय ५० दशमलब ९७ विन्दुमा रोकिएको नेप्सेले जनाएकाे छ । 

आज कारोबार रकममा पनि गिरावट आएको छ । आज ३ अर्ब ३६ करोड ४२ लाख बराबरको कारोबार भएको छ । कारोबार भएका ५२ वटा कम्पनीका लागानीकर्ताहरुले कमाएका छन् भने १३० कम्पनीका लगानीकर्ताहरुले गुमाएका छन् ।

नेप्सेका अनुसार आज इमजिङ नेपाल लिमिटेडको शेयरमूल्यमा उच्च वृद्धि भएको छ । यस कम्पनीको शेयरमूल्य आज ९.९८ प्रतिशतले बढेर प्रतिकित्ता ४२९.७० रुपैयाँ पुगेको छ ।

आज नेपाल दुरसञ्चार कम्पनीको शेयरमूल्यमा सर्वाधिक गिरावट आएको छ । यस कम्पनीको शेयरमूल्य आज ५.१३ प्रतिशतले घटेको छ । आज सबैभन्दा बढी नेपाल दुरसञ्चार कम्पनीकोे भएको छ । यस कम्पनीको आज ३४ करोड २३ लाख भन्दा बढीको कारोबार भएको नेप्सेले बताएकाे छ ।