राजनीति

एमसीसीकाे बिराेध गर्न भीम रावललाई लाज छैन : प्रधानमन्त्री देउवा

काठमाडाैं । एमसीसी परियोजनाको विरोध गरेकोमा प्रधानमन्त्री शेरबहादुर देउवाले एमाले नेता भीम रावलप्रति कडा टिप्पणी गरेका छन् । 

नुवाकोटको किस्पाङ गाउँपालिकाको प्रशासकीय भवन उद्घाटन गर्न पुगेका प्रधानमन्त्री देउवाले रावलप्रति आक्रोश व्यक्त गर्दै तत्कालीन प्रधानमन्त्री केपी ओलीले ल्याएको प्रस्ताव पास गर्न खोज्दा रावलले किन टाउको दुखाउने ? भन्दै प्रश्न गरेका छन् । 

प्रशासकीय भवन उद्घाटनका क्रममा देउवाले भने, ‘आफैं रक्षामन्त्री भएको क्याबिनेटबाट पास गरेर एमसीसी पास गर्न संसदमा ल्याउने, अहिले किन टाउको दुख्यो ? अरूलाई टाउको दुखेको छैन, भीम रावललाई टाउको दुख्यो ? उसबेला दिमाग खुस्क्याथ्यो ? त्यो बेला किन बिरोध नगरेको ? राजीनामा गर्नुपर्दैन, लाज छैन?’

ओली सरकारमा रावल रक्षामन्त्री हुँदा त्यो मन्त्रिपरिषदले एमसिसी पारित गरी संसदमा प्रस्ताव ल्याएको देउवाको भनाइ थियो ।

रावलले अहिले विरोध गर्नुको तुक नभएको बताउँदै लाज मान्नुपर्ने देउवाको भनाइ थियो ।

प्रधानमन्त्री देउवाले ओली सरकारले संसदमा पेश गरेको एमसिसी प्रस्ताव आफूहरूले पारित गरेको बताए ।

गाउँ सहर संवाददाता

प्रतिकृया दिनुहोस
प्राप्त प्रतिक्रिया
तपाईँको मत