राजनीति

नेपालसहित १४ सांसदविरुद्धको मुद्दालाई पूर्ण सुनुवाइका लागि पेश गर्न सर्वाेच्चकाे आदेश

काठमाडाैं ।नेकपा एककिृत समाजवादी माधव नेपाल सहितका १४ सांसदविरुद्ध सर्वाेच्चमा दर्ता गरेको रिटमा आज ७ महिनापछि पहिलाे सुनुवाई भएको छ ।

न्यायाधीश ईश्वर प्रसाद खतिवडा र कुमार चुँडालको संयुक्त इजलासले एमालेले आफुले निष्कासन गरेका माधव नेपाल सहितका प्रतिनिधिसभाका १४ र लुम्बिनी प्रदेशका दुई सांसदलाई सभामुखले पदमुक्त नगरेको भन्दै रिट सर्वाेच्चमा दर्ता गराएको थियो ।

एमाले अध्यक्ष केपी शर्मा ओलीले दायर गरेको रिट करीब ७ महिनापछि आज सर्वाेच्चले अव त्यस मुद्दालाई पूर्ण सुनुवाइका लागि पेश गर्न आदेश दिएको छ । एमालेले सभामुखले पूर्वाग्रहका आधारमा आफुले निश्कासन गरेका सांसदलाई कारवाही नगरी पार्टी विभाजनमा भूमिका खेलेको भन्दै संसदमा पनि गत भदौं २३ यता निरन्तर अवरोध गदै आएको छ ।

सर्वाेच्चमा न्यायाधीश ईश्वर प्रसाद खतिवडा र कुमार चुँडालको संयुक्त इजलासले सो मुद्दालाई अब फैसलाको लागि पूर्ण सुनुवाई हुने आदेश दिएको हो । पूर्ण सुनुवाईको लागि मिति भने तोकिएको छैन ।

ओलीले अन्तरिम आदेश माग गरेपनि पटक पटक सुनुवाईका लागि पेशी तोकिदै मुद्दा धकेलिदै आएको थियो । अब पूर्ण सुनुवाईपछि १४ सांसदको पद कायम रहने वा पदमुक्त हुने टुंगो लाग्नेछ ।

गाउँ सहर संवाददाता

तपाईँको मत