अर्थतन्त्र

एकैदिन ३५ सयले घट्याे सुनकाे मूल्य, कतिमा हुँदैछ काराेबार ?

काठमाडाैं । बिहीबार सुनको मूल्य घटेको छ । हिजो सुनको मूल्य प्रतितोला एक लाख ५ हजार ५ सयमा कारोबार भएकोमा आज तोलामा ३५ सयले घटेको नेपाल सुनचाँदी व्यवसायी महासंघले जानकारी दिएकाे छ । 

महासंघका अनुसार आज छापावाल सुनको मूल्य प्रतितोला एक लाख २ हजार रुपैयाँ कायम गरिएको छ भने तेजावी सुनको मूल्य प्रतितोला एक लाख एक हजार पाँच सय रुपैयाँ कायम गरिएको छ । 

आज चाँदीको मूल्य पनि घटेको छ । बुधबार चाँदीको मूल्य प्रतितोला १४५० रुपैयाँमा कारोबार भएकोमा आज घटेर प्रतितोला १४०५ रुपैयाँ मूल्य कायम गरिएको महासंघले बताएको छ ।   

गाउँ सहर संवाददाता

तपाईँको मत