वातावरण

कुन प्रदेशमा कस्ताे रहनेछ आजकाे माैसम

• गाउँ सहर संवाददाता
• २६ फाल्गुण बिहीबार, २०७८ | ०६:४३:०० मा प्रकाशित

काठमाडौं । देशको पहाडी तथा हिमाली भू–भागमा आंशिकदेखि सामान्य बदली रही बाँकी भू–भागमा मौसम रहनेछ । 

जल तथा मौसम विज्ञान विभागका अनुसार देशका विभिन्न भागमा वर्षा र हिमपातको सम्भावना रहेको छ । आज दिउँसो पहाडी भू–भागमा अपराह्नपछि एकदुई स्थानमा मेघगर्जन र चट्टयाङ्सहित हल्का वर्षाको सम्भावना रहेको जल तथा मौसम विज्ञान विभागले जनाएको छ । 

उच्च पहाडी तथा हिमाली भू–भागका थोरै स्थानमा हल्का हिमपातको सम्भावना रहेको छ ।

सुदूरपश्चिम प्रदेश, कर्णाली प्रदेश गण्डकी प्रदेश र प्रदेश–१ का पहाडी भू–भागमा आंशिकदेखि सामान्य बदली रही बाँकी भू–भागमा आंशिक बदली रहनेछ । 

विभागका अनुसार आज राति सुदूरपश्चिम, कर्णाली र गण्डकी प्रदेशका पहाडी भू–भागका केही स्थानमा मेघगर्जन र चट्टयाङसहित हल्का वर्षाको सम्भावना छ । सुदूरपश्चिम, कर्णाली र गण्डकी प्रदेशका एकदुई स्थानमा हल्का हिमपातको सम्भावना छ ।