वातावरण

आज देशभरको मौसम कस्ताे रहला ?

काठमाडौं । जल तथा मौसम विज्ञान विभागका अनुसार आज देशको मौसम सामान्यतया सफा रहनेछ ।

हाल प्रदेश १ र मधेश प्रदेशका भ–भागमा आंशिकदेखि सामान्य बदली र बाँकी प्रदेशमा मौसम सामान्यतया सफा रहेको मौसम पूर्वानुमान महाशाखाले जनाएको छ । देशमा कुनै उल्लेख्य मौसमी प्रणालीको प्रभाव नरहेकाले मौसम बदली तथा वर्षाको सम्भावना नरहेको महाशाखाले जनाएको छ ।  

आज दिउँसो देशको पहाडी तथा हिमाली भू–भागमा आंशिक बदली रहनेछ । बाँकी भू–भागमा मौसम सामान्यतया सफा रहने विभागले जनाएको छ ।

आज राति देशको सुदूरपश्चिम, कर्णाली, लुम्बिनी र गण्डकी प्रदेशमा आंशिक बदली रहनेछ । अन्य भू–भागमा मौसम सामान्यतया सफा रहने विभागले जनाएको छ ।

गाउँ सहर संवाददाता

तपाईँको मत