गाउँ सहर

श्रीमतीलाइ एसिड प्रहार गर्ने श्रीमान पक्राउ

काठमाडाैं । प्रहरीले  श्रीमतीलाई एसिड प्रहार गर्ने श्रीमानलाइ पक्राउ गरेकाे छ ।  श्रीमतीलाई एसिड प्रहार गर्ने श्याम गुभाजु पक्राउ परेका हुन् । भक्तपुरको सूर्यबिनायक नगरपालिका ४ दधिकोट चित्रपुर बस्ने ६५ वर्षीय गुभाजुले श्रीमतीलाई एसिड प्रहार गरी कुटपिट गरेका थिए ।

महानगरीय प्रहरी परिसर भक्तपुरले गुभाजुले श्रीमतीमाथि केमिकल (रसायन) शरीरमा प्रहार गरी घाइते बनाएको जानकारी दिएकाे छ । 

एसिड प्रहार भएको जानकारी प्राप्त हुनासाथ प्रहरी टोलीले घाइतेलाई बर्न अस्पताल कीर्तिपुर लगिएको परिसरका सूचना अधिकृत राजु पाण्डेले जनाएका छन् ।

घटनाका सम्बन्धमा थप अनुसन्धान भइरहेकाे प्रहरीले बताएकाे छ । 

गाउँ सहर संवाददाता

तपाईँको मत