विश्व

युक्रेन - रुस द्वन्द्व समाधानका लागि तेश्रो चरणको शान्तिवार्ता आज

• गाउँ सहर संवाददाता
• २३ फाल्गुण सोमबार, २०७८ | ११:२२:०० मा प्रकाशित

काठमाडाैं । युक्रेन - रुस द्वन्द्व समाधान गर्नको लागि तेश्रो चरणको शान्तिवार्ता हुन लागेको छ ।

साेमबार शान्तिर्वाता गर्नको लागि दुवै पक्षले आफ्नो तयारी पूरा गरेको अलजजिराले उल्लेख गरेको छ ।

शान्तिवार्ता नजिकिँदै गर्दा रुसी सेनाले युक्रेनका विभिन्न शहरमा आक्रमणलाई तीव्रता दिएको छ । आक्रमणका कारण भौतिक निर्माणको क्षतिसहित धेरै मात्रामा हताहति भएका छन् ।

अमेरिकी सरकारले रुसलाई थप नाकाबन्दी गरेको छ । रुसी तेल अमेरिकामा विक्रीवितरणमा रोक लगाएको छ ।

रुसी राष्ट्रपति भ्लाडिमिर पुटिनले रुसको सबै माग पुरा नभएसम्म आक्रमण तीब्र पार्ने बताएका छन् ।

रुसमा नेटफ्क्सिले आफ्नो सेवा बन्द गरेको छ । रुसलाई आर्थिक रुपमा जर्जर बनाउन युक्रेनी राष्ट्रपति भोलोड्मिर जेलेन्स्कीले पश्चिमी शक्ति राष्ट्रहरुलाई थप नाकाबन्दीको घेरा साँगुरो पर्न आह्वान गरेका छन् ।