गाउँ सहर

प्रतिनिधि सभा भंग गरेर चुनावमा जाऔं : माधव नेपाल

काठमाडौं । नेकपा एकीकृत समाजवादीका अध्यक्ष माधवकुमार नेपालले प्रतिनिधि सभा भंग गरेर चुनावमा जान सकिने बताएका छन् । आइतबार संसद भवनमा पत्रकारहरुसँग संक्षिप्त कुरा गर्दै केपी ओलीलाई संसदमा कति सहने अब चुनावमा जानुपर्ने बताएका हुन् ।

तीनै तहको निर्वाचन एकैपटक गर्नेबारे छलफल भइरहेको उनले बताए ।

गठबन्धनमा आबद्ध दलहरुबीच त्यस किसिमको छलफल भइरहेको उनको भनाइ छ।

एमालेका कारण त्यस्तो निष्कर्षमा पुगिएको उनले बताए ।

'एमालेले संसद् पनि चल्न नदिने, संसद्मा गञ्जागोल कायम राख्ने, पंगु बनाउने र हामीलाई पनि दुःख दिने काम गरिरहेको छ। यस्तो अवस्थामा संसद् विघटन गरेर 'अर्ली' निर्वाचनमा जानु नै उत्तम हुन्छ', अध्यक्ष नेपालले भने ।

उनले त्यसपछि न संसद् रहने, न ‌ओलीको वितण्डा रहने बताए। नेकपा एमालेले गत भदौदेखि संसद् अवरोध गर्दै आएको छ ।

“एमालेले संसद चल्न पनि नदिने, हामीले भत्ता खाइरहने, केपी ओलीलाई कति सहने ? अब सबै निर्वाचनमा जाऔँ,” नेपालको भनाई थियो ।

एमाले आफूले सिफारिस गरेका १४ सांसदलाई कारबाही नगरी सभामुख अग्निप्रसाद सापकोटाले विभेदकारी भूमिका निर्वाह गरेको भन्दै लगातार रुपमा संसद् अवरुद्ध गर्दै आएको छ ।

गाउँ सहर संवाददाता

तपाईँको मत