गाउँ सहर

३ लाख ८५ हजार भन्दा बढी रकम सहित २४ जुवाडे प्रहरी नियन्त्रणमा

• गाउँ सहर संवाददाता
• २२ फाल्गुण आइतबार, २०७८ | १२:१८:०० मा प्रकाशित

काठमाडाैं । प्रहरीले रु ३ लाख ८५ हजार ३३० नगदसहित २४ जना जुवाडेलाई पक्राउ गरेको छ ।

महानगरीय प्रहरी प्रभाग इमाडोलबाट खटिएको प्रहरी टोलीले महालक्ष्मी नगरपालिका-४ इमाडोलस्थित एकबहादुर रानाको जस्ताले बनाएको टहराभित्रभित्र जुवा खेलिरहेको अवस्थामा शनिबार रति २४ जनालाई पक्राउ गरेको हो ।

पैसाको ठूलो हारजित हुनेगरी जुवा खेलिरहेका २४ जनालाई ८ बुक ताससहित नियन्त्रणमा लिएको प्रहरीले जानकारी दिएकाे छ । 

पक्राउ पर्नेमा महालक्षमी नगरपालिका -४ ईमाडोल सेतीपाखा बस्ने ३३ वर्षीय तेजबहादुर थापासहित २३ जना रहेका छन् ।

पक्राउ व्‍यक्तिसँग प्रहरीले नगद, ८ बुक तास बरामद गरेको जनाएकाे छ ।

यस सम्बन्धमा थप अनुसन्धान भइरहेको प्रहरीले बताएकाे छ ।