अर्थतन्त्र

अर्थ मन्त्रालयले स्थानीय तहको निर्वाचनका लागि आयोगलाई ८ अर्ब ११ करोड रुपैयाँ छुट्यायाे

• गाउँ सहर संवाददाता
• १९ फाल्गुण बिहीबार, २०७८ | १६:५९:०० मा प्रकाशित

काठमाडौँ । आगामी वैशाख ३० गते हुने स्थानीय तहको निर्वाचनका लागि अर्थ मन्त्रालयले ८ अर्ब ११ करोड रुपैयाँ छुट्याएको छ । निर्वाचन आयोगले ८ अर्ब ९५ करोड रुपैयाँ माग गरे पनि मन्त्रालयले ८ अर्ब ११ करोड मात्रै दिने भएको हो ।

आयोगले माग गरेको बाहेक सूचना प्रविधि, मतपत्र ढुवानी र विद्युतीय मतदान मेसिनलगायतका शीर्षकमा बजेट कटौती गरेको छ । मत्रपत्र ढुवानी जहाजबाट गर्ने भनिए पनि सेनासँग समन्वय गर्ने भएकाले उक्त शीर्षकमा बजेट निकासा नगरिएको मन्त्रालय जनाएको छ ।

आयोगले विद्युतीय मतदानका लागि एक करोड रुपैयाँ माग गरेको थियो ।

आयोगले मतपत्रबाटै निर्वाचन गराउन सात सय मेट्रिक टन कागज खरिद गर्न टेन्डर गरिसकेको छ ।