राजनीति

सत्ता गठबन्धनको बैठक सकियाे, यस्ताे भयाे निर्णय

• गाउँ सहर संवाददाता
• १९ फाल्गुण बिहीबार, २०७८ | १२:३१:०० मा प्रकाशित

काठमाडाैं । सत्ता गठबन्धनको बैठक सकिएकाे छ । बैठकले आफ्नो कामको समीक्षा गरेको छ । बिहीबार विहान प्रधानमन्त्रीको सरकारी निवास बालुवाटारमा बसेको सत्ता गठबन्धनको बैठकले अहिलेसम्मका काम कारबाहीको समीक्षा गरेको जनता समाजवादी पार्टी जसपाका अध्यक्षले जानकारी दिएका छन् । उनले भने, ‘अहिलेसम्म गरेका कामलाई उपलब्धि मान्नुपर्छ । एमसीसी पास भएको छ ।’

सत्ता गठबन्धनले घोषणा गरेको साझा न्युनतम कार्यक्रमलाई कार्यन्वयन केन्द्रित हुनुपर्ने बैठकले निर्णय गरेको यादवले बताए । उनले भने -  ‘जनतालाई राहत दिने र समग्र अर्थतन्त्र उकालो लाग्नुपर्यो भन्ने कुरामाथि छलफल भएको हो ।’ । यस्तै वैशाख ३० मा हुनेमा स्थानीय तहको चुनावमा सकेसम्म मिलेर जाने निर्णय भएको जनाए । 

यादवले भने, - ‘स्थानीय तहमा सकेसम्म मिलेर जानेमा गठबन्धनभित्र एक मत छ ।' ‘स्थानीय तहको सबै ठाउँमा गठबन्धन गरेर जान सकिने अवस्था छैन । तर सिकेको ठाउँमा मिलेर जाऊ भन्नेमा हामी सबै सहमत छौं ।’