स्वास्थ्य

देशमा थप ३१८ जनामा कोरोना संक्रमण पुष्टि, ५६२ जना संक्रमणमुक्त

काठमाडाैं । नेपालमा पछिल्लो २४ घण्टामा थप ३१८ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएकाे छ ।  

मन्त्रालयका अनुसार पाँच हजार ५०८ जनाको पीसीआर परीक्षण  र २२३५ जनाको एन्टिजेन परीक्षण गरी जम्मा ३१८ जनामा संक्रमण पुष्टि भएको हो ।

साेही समयमा काेराेनाका कारण एककाे निधन भएकाे छ । 

यससँगै हालसम्म कोरोना संक्रमणबाट मृत्यु हुनेको संख्या ११ हजार ९३१ पुगेको छ ।

बिहीबार ५६२ जना कोरोना संक्रमणमुक्त भएको स्वास्थ्य मन्त्रालयले जनाएको छ। हाल देशभर ९ हजार ६७८ जना सक्रिय संक्रमित रहेका छन् ।

गत चौबीस घन्टामा ५५०८ पीसीआर तथा २ हजार २३५ एन्टिजेन परीक्षण भएको छ ।

गाउँ सहर संवाददाता