अर्थतन्त्र

महालक्ष्मी विकास बैंकका ग्राहकले होटल दियालो फुडल्यान्डमा छुट पाउने

• गाउँ सहर संवाददाता
• ९ फाल्गुण सोमबार, २०७८ | १३:१२:०० मा प्रकाशित

काठमाडौं । महालक्ष्मी विकास बैंक लिमिटेड र होटल दियालो फुडल्यान्ड एण्ड पार्टी प्यालेस प्रालिबीच सहकार्यसम्बन्धी समझदारीपत्रमा हस्ताक्षर भएको छ ।

सम्झौताअनुसार महालक्ष्मी विकास बैंकका डेबिट कार्ड, क्युआर (स्क्यान पे), महालक्ष्मी मोबाइल बैंकिङमार्फत भुक्तानी गर्ने ग्राहकहरुले होटलका विभिन्न सेवाहरुमा आकर्षक छुट पाउनेछन् ।

यस किसिमको सहकार्यबाट बैंकका सेवाग्राही थप लाभान्वित हुने विश्वास बैंकले लिएको छ । साथै बैंकले विभिन्न शाखाहरुबाट जनचेतनामूलक कार्यक्रम सञ्चालन गर्दै आएको बैंकका प्रवक्ता दीपेश लम्सालले जानकारी दिए ।

बैंकले प्रदेश नं १ मा ५, मधेस प्रदेशमा १५, बाग्मतीमा ३७, गण्डकीमा ९, लुम्बिनीमा १८, कर्णालीमा २ र सुदुरपश्मिमा १७ गरी कुल १०३ वटा शाखामार्फत करिब ६ लाख ग्राहकलाई उच्चस्तरीय वित्तीय सेवा सरलीकृत तवरले प्रदान गर्दै आइरहेको छ ।