शिक्षा

त्रिविका आंशिक प्राध्यापकको मुद्धा स्वतः स्थाई बन्न होइन, ज्याला—समानता र न्यायको आन्दोलन हो

• गाउँ सहर संवाददाता
• ५ फाल्गुण बिहीबार, २०७८ | २०:२८:०० मा प्रकाशित

काठमाडौँ । त्रिभुवन विश्वविद्यालयका आंशिक प्राध्यापकहरुको आन्दोलन केवल ज्यालाको, समानताको र न्यायको आन्दोलन भन्दै आंशिक प्राध्यापकहरुले मागलाई जनमानसमा भ्रम फैल्याउन स्वतः स्थायी भनी वक्तब्य बाजी गरेको त्रिवि आंशिक प्राध्यापक केन्द्रीय संघर्ष समितिले बताएको छ ।

बिहीबार उसले एक विज्ञप्ति जारी गरी सो कुरा बताएकाे हो ।

विज्ञप्तिमा १७ वर्षदेखि आंशिक प्राध्यापकहरुलाई कुनै न कुनै बहानामा जेन्युन माग सार्दै आएको र वक्तब्य बाजीको सहारा लिएर आंशिक प्राध्यापकहरुलाई धम्क्याउने प्रयास गरिएको बताइएको छ ।

उसले विश्वविद्यालयमा ४ हजार ५०० जानको हाराहारीमा दरबन्दी खाली भएपनि र त्रिवि शिक्षक कर्मचारी सेवा सम्बन्धी नियम २०५० को दफा १० क मा रिक्त दरबन्दीमा ६ महिनादेखि १ वर्ष अस्थाई र २ वर्षसम्म करार नियुक्त गर्ने स्पष्ट नियमलाई कुल्चिएको बताएको छ ।

जारी विज्ञप्तिमा समितिले असमान ज्याला, बौद्धिक शोषण, श्रम शोषण, अत्याचार, अन्याय र विभेद गरेको बताउँदै भ्रम सिर्जना र धम्क्याउनुको साटो सम्झौता कार्यान्वयन गरेर, वार्ता र सम्वाद गरेर निकास निकाल्न आग्रह गरेको छ ।