सरकारले जनकपुर–जयनगर रेल सेवा सञ्चालन गर्न तत्काल २१ करोड दिने
- गाउँ सहर संवाददाता
- २८ माघ शुक्रबार, २०७८ | १२:२५:०० मा प्रकाशित
काठमाडाैं । सरकारले जनकपुर–जयनगर रेल सेवा सञ्चालन गर्न तत्काल २१ करोड रुपियाँ दिने भएको छ । नेपाल रेलवे कम्पनीका महानिर्देशक निरञ्जन झाले सञ्चालनको तयारीमा रहेको जनकपुर–जयनगर रेल सेवाका लागि अर्थ मन्त्रालयले तत्काल २१ करोड रुपियाँको स्रोत सुनिश्चितता दिएको जानकारी दिएका छन् ।
उनले भने, “गत वर्ष नै मन्त्रिपरिषद्ले रेलवे कम्पनीलाई ४५ करोड रुपियाँ दिने निर्णय गरेको थियो । त्यस बेलादेखि नै कम्पनीले अर्थ मन्त्रालयसँग सो रकम माग गर्दै आएकोमा अहिले मन्त्रालयले २१ करोड रुपियाँ दिने प्रतिबद्धता गरेको हो ।”
उनले सो रेल सेवा एक वर्षसम्म सञ्चालनको जिम्मा पाएको भारतीय कम्पनी कोंकण रेलवे कर्पोरेसन लिमिटेडलाई नेपालले करिब ३५ करोड रुपियाँ तिर्नुपर्ने जानकारी दिए । अहिले स्रोत सुनिश्चित भएको रकममध्ये केही सो कम्पनीलाई भुक्तानी गरेर तत्काल काम अगाडि बढाइने स्पष्ट पारे ।
बाँकी रकमका लागि कम्पनीले अर्थ मन्त्रालयलाई अहिले पनि ताकेता गरिरहेको बताउँदै उनले आवश्यक रकमको अभावमा समेत सो रेल सेवा सञ्चालनमा ढिलाइ हुँदै आएको स्पष्ट पारे । उनले रकमको स्रोत सुनिश्चित भएसँगै रेलवे कम्पनीले भारतबाट ल्याइएको दुईवटा रेलको फागुन १ गतेबाट नियमित परीक्षण गर्ने तयारीमा जुटेको बताए । “अब रेल सेवा सञ्चालनमा कुनै बाधा अवरोध छैन” उनले स्पष्ट पारे ।
करिब १६ महिनादेखि थन्केर बसेका दुईवटै सेट रेलको अहिलेको अवस्था थाहा पाउन नियमित परीक्षण गर्न लागिएको बताउँदै उहाँले ती रेललाई व्यावसायिक रूपमा सञ्चालन गर्ने अवस्था छ/छैन भन्ने अवस्था यकिन गर्न एक/दुई दिन परीक्षण गरेर हुँदैन । डेढ हप्तासम्म जनकपुरदेखि भारतको जयनगरसम्म चलाएर परीक्षण गर्नुपर्ने उनले जानकारी दिए ।
उनका अनुसार रेल सेवा सञ्चालनका लागि तत्काल चाहिने २६ जना ‘कोर’ प्राविधिकमध्ये १४ जना अहिले नेपाल आई यहाँका ६० जना प्राविधिकलाई तालिम दिइरहेका छन् । नेपाल र भारतका प्राविधिकहरू मिलेर सो रेल सञ्चालनमा ल्याइने छ ।
२०७७ असोज २ गते भारतीय कम्पनी कोंकण रेलवे कर्पोरेसन लिमिटेडबाट ८४ करोड ६५ लाख रुपियाँमा खरिद गरिएको दुई सेट रेल अहिले धनुषाको जनकनन्दनी गाउँपालिकास्थित इनरुवाको स्टेसनमा सशस्त्र प्रहरी बलको निगरानीमा पार्किङ गरी राखिएका छन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस