स्वास्थ्य

उपत्यकामा एकैदिन १ हजार १७ जना कोरोना संक्रमित थपिए

• गाउँ सहर संवाददाता
• २६ माघ बुधबार, २०७८ | १७:०६:०० मा प्रकाशित

काठमाडाैं । बितेकाे २४ घण्टामा उपत्यकामा १ हजार १७ जनामा कोरोना संक्रमण पुष्टि भएको छ ।

काठमाडौँमा ८९०, भक्तपुरमा २५ र ललितपुरमा १०२ जना संक्रमित थपिएकाे स्वास्थ्य तथा जनसंख्या मन्त्रालयले जानकारी दिएकाे छ ।

त्यसैगरी पछिल्लाे २४ घण्टामा मुलुकभर २ हजार ४०१ जनामा कोरोना पुष्टि भएको छ । साेही अवधिमा काेराेनाका कारण १४ जनाले ज्यान गुमाएकाे मन्त्रालयले जनाएकाे छ ।

मन्त्रालयका अनुसार बुधबार ७ हजार ७७७ जना कोरोना संक्रमणमुक्त भएका छन् । हाल देशभर ३० हजार २४१ जना सक्रिय संक्रमित रहेका छन् ।

गएकाे चौबीस घन्टामा ११ हजार ६०३ पीसीआर तथा ४ हजार ७५३ एन्टिजेन परीक्षण भएको मन्त्रालयले बताएकाे छ ।