कला

विजय चालिसेको ५४औँ कृति : ‘जीवनका वक्ररेखा’ सार्वजनिक

• गाउँ सहर संवाददाता
• २५ माघ मंगलबार, २०७८ | १५:४७:०० मा प्रकाशित

काठमाडौं । साहित्यकार तथा पत्रकार विजय चालिसेको अर्को पुस्तक ‘जीवनका वक्ररेखा’ प्रकाशनमा आएको छ ।

आत्मसंस्मरणका रूपमा प्रकाशित यस पुस्तकमा चालिसेले आफू, आफू बाँचेको समाज, विभिन्न कालखण्डका संस्कृति, राजनीति र साहित्यका साथै पत्रकारिताका विविध पाटाहरूलाई उधिन्ने प्रयास गरेका छन् ।

आफ्नो प्रस्तुत कृति साहित्य, कला र पत्रकारितामा रुचि राख्नेहरूका लागि गतिलो खुराक हुन सक्ने विश्वास चालिसेको छ । विजयको यो ५४औँ कृति सुरभि साहित्य प्रतिष्ठानले प्रकाशनमा ल्याएको हो ।

पुस्तकमा नौ अलग–अलग खण्डमार्फत लेखकले आफ्नो बाल्यकालदेखि कोरोना कहरसम्मका विषय सन्दर्भलाई मिहीन रूपमा विश्लेषण गरेको जनाइएको छ ।

उपन्यास, कथासंग्रह, बालसाहित्य, यात्रा निबन्धसहित आमसञ्चार तथा पत्रकारिताका विषयमा कलम चलाउने चालिसे गोरखापत्र संस्थानका पूर्वकार्यकारी अध्यक्ष तथा गोरखापत्र दैनिकका पूर्वप्रधानसम्पादक हुन् ।