अर्थतन्त्र

शेयर बजारमा उच्च अंककाे वृद्धि, ६ अर्ब ३२ करोड माथिकाे काराेबार

• गाउँ सहर संवाददाता
• १६ माघ आइतबार, २०७८ | १५:१४:०० मा प्रकाशित

काठमाडाैं । शेयर बजारमा साताको कारोबारको पहिलो दिन उच्च अंकको वृद्धि भएको छ । आज नेप्से १०५.५५ अंकले बढेर दुई हजार ८ सय ८५ दशमलब ५३ विन्दुमा पुगेको हो । त्यस्तै, आज कारोबार रकममा पनि वृद्धि भएको छ । आज ६ अर्ब ३२ करोड ४२ लाख बराबरको कारोबार भएको नेप्सेले जनाएकाे छ । 

नेप्सेका अनुसार आज ६ कम्पनीको शेयर मूल्यमा उच्च वृद्धि भएको छ । शेयर मूल्यमा उच्च वृद्धि हुने कम्पनीहरुमा वीन नेपाल लघुवित्त वित्तीय संस्था, लिवर्टी इनर्जि कम्पनी, शिवश्री हाइड्रोपावर, नेपाल इन्फाइन्ट्रक्चर, अरुण भ्याली हाइड्रोपावर र बुद्धभुमि नेपाल हाइड्रोपावर कम्पनी रहेको छ । यी कम्पनीको शेयर मूल्यमा आज पोजेटिभ सर्किट लागेको छ ।

मञ्जुश्री फाइनान्स डिभेञ्चरको शेयरमूल्यमा सर्वाधिक गिरावट आएको छ । यसको शेयरमूल्य ३ प्रतिशत भन्दा बढीले घटेको छ । कारोबारको आधारमा आज सबैभन्दा बढी अपी पावर कम्पनीको भएको छ । यस कम्पनीको आज २६ करोड १५ लाख भन्दा बढीको कारोबार भएको नेप्सेले बताएकाे छ ।