गाउँ सहर

ट्याक्टर पल्टिँदा १० वर्षीय छाेराकाे मृत्यु, बुबा र दाजु घाइते

• गाउँ सहर संवाददाता
• १६ माघ आइतबार, २०७८ | १२:२०:०० मा प्रकाशित

उदयपुर । खेत जोतेर आउँदै गरेको ट्याक्टर पल्टिँदा एक बालकको मृत्यु भएकाे छ । त्रियुगा नगरपालिका–१ जोगिदह रुपनीमा खेत जोतेर आउँदै गरेको ट्याक्टर पल्टिँदा एक बालकको मृत्यु भएकाे हाे । खेत जोतेर घर आउँदै गरेको स१त ४२९३ नम्बरको ट्याक्टर पल्टिएर घाइते भएको त्रियुगा नगरपालिका १ रुपनीका सत्यनारायण चौधरीका १० वर्षीय छोरा नितेश चौधरीको जिल्ला अस्पताल गाईघाटमा उपचारको क्रममा मृत्यु भएकाे प्रहरीले जानकारी दिएकाे छ । 

शनिबार राति ८ बजेतिर खेत जोतेर छोराहरूलाई लिएर आउँदै गरेको ट्याक्टर घर नजिकै पल्टिँदा चालक बुबा सत्यनारायण चौधरी, अर्का छोरा १२ वर्षीय निमिष चौधरी घाइते भएको जिल्ला प्रहरी कार्यालय उदयपुरले बताएकाे छ ।