स्वास्थ्य

१३ हजार १४५ को कोभिड परीक्षण गर्दा ३ हजार ५४० नयाँ संक्रमित थपिए, थप ३२* जनाको निधन

• गाउँ सहर संवाददाता
• १६ माघ आइतबार, २०७८ | १६:४२:०० मा प्रकाशित

काठमाडौँ । नेपालमा पछिल्लो समयमा कोरोनाबाट ३२ जनाले ज्यान गुमाएका छन्  । स्वास्थ्य तथा जनसंख्या मन्त्रालयका अनुसार यो मृत्यु* माघ १३ यताको हो ।

पछिल्लो २४ घण्टामा १३ हजार १४५ को कोभिड परीक्षण गर्दा ३ हजार ५४० नयाँ संक्रमित थपिएका हुन् । जसमा पिसिआरबाट ३ हजार ४९ र एन्टीजेन विधिबाट ४९१ पहिचान भएका हुन् ।

कोरोना जितेर पछिल्लो २४ घण्टामा ६ हजार ३५९ जनाले स्वास्थ्य लाभ गरेका छन् ।

मन्त्रालयका अनुसार देशमा सक्रिय संक्रमितको संख्या ८३ हजार ९९९ पुगेको छ ।